Kada Penawa

09.02.13

23.13

ngawi

ala ganna'mi setengah tahun mabela jio mai kampong, tiro katuoan, tapi biasa takkajanna'na kua apa tonganra kutiro tee. yanna kumesa-mesa omo cimadokko, ta'pa mangngingaran omo kua mabela tonganmo pale'na tee na susi bang unari kurasa kaleko.malaja'na ke yato kutiro te'da na bisa bawana sitammu Puangku.tongan iya kua aja paralluna doi, te'da kubisa borroi kaleku tapi aja nippik ra silenanna jio niatku na kedoku. yanna kedo ci'di penawanku pasti kedo todami to apa lakukabua, na simula beccu'na diajai kua PuangAllah Taala mangpepenawa, yanna tassala to penawanna sala todami to dituju.

ya bangmora jio kupeta'da doangan danggi' lalo dikka'na na takkedo penawanko. kurasakan tonganmi tee katuonku kua ya to ladi pangkitai sitonganna penawanta', yanna ya bangra ia to lino di tiro, kanriri na bumbun dau, ambai na kan te'da lalo kameloanna lako kale ta'.

umuru'ku lewa'mi seperempa abad. te'da lalo kurasakanni na susimo pale'na tee. susi bang unari kua pea unapa, male mang rewa saping, mangpakande beke. mareso gaja unapa cakkedo penawanku, iyarika ku madoang disanga, iyarika kuputus asa, iyarika ku makuttu, iyarika kumasekke, iyarika ku iri. tapi mangusaha tarruna na danggi lalo dikka'na kubawaimate tuu lako sifa ganjang. aja susa tongan ta'pa dita'dean tapi ambai yanna si ci'di-ci'di bisa unara pran-piran mapaccing.

te'da lalo iya salana male tiro doi moi angge imbo tapi yara na sala ke ya jo doi na pasala lalan mik, biasa bangmiki borro, biasa bangmiki takkalupa, sanggenna doi manda tongan mora disanga raja, 

ya tee allo sanga disanga omo todana mangjama, kuhindari lalo tomadoang bangra disanga, kuhindari lalo to malaja lko ponggawa na pakala'bi PongAllah Taala. ambai biasa bngmi ke rapatki na wattumi to massumbajang tapi cia'ki todana disanga na disalai bangmo to sumbajang sanga madoangki di sanga marajin pole jio mai ponggawa, ya ngasan mo jio to ala kupemabelai jio mai batang kaleko, ya'ke bangmo na cacca ngasanna tau tapi nakabudaina PongAllah Taala daripada naka budaiki to tau tapi na caccaki Pong Allah Taala.

ya te'da allo, yamora kua matumbai di patannangngi to penawa, danggi lalo marussak bangra apalgi ke gara-gara duniara. yanna den masalahmu, anggi'mo mngcurit gaja lako tau tapi meta'da doang bangmora. te'da laloki ia bedana to mayat lumingka ke te'dai prinsip di toe. yanna mareso gaja unapiki na pengarui tau berarti malamma unapi to penawanta.

yatarru kurangan tonna 2 taun lalu, yatonna kumasaki ambai ala patang bulanna jio bangra bola. ambai nasangai to tau joi wattu kua malaga bangna tapi sitonganna takkukullemi, biasa to'mikukua jio wattu kua ambai susi bangmora iya tee, te'da lalo pangkulleanku, moi ke mamma'na matumbade' too kusa'ding. pempiranmo disolan lako ruma saki' na kua bangra to dottoro' kua te'da kuciapa. ya jio wattu, pole lan mai penawanku kua PongAllah Taala tonganmora tee, ambai yamo jio wattu punca'na pasraku. na pakitan tonganna kakuasanna PongAllah Taala tonna kususi jio sanga te'damo ku male mang pejampi na kumalaga kusa'ding. sampai too, ya tarru jio ku ngaran ke kedo omi penawanku.

te'damo kumengerti kua apamora tee to disanga katuo-tuoan, ambai te'da na susi ngasan to tau tapi budami iya to tau semata-mata mangpugauk sanga den apa nacinna, te'damo na macanning penawa. dikita bangmi ke ala pemilihnni, yato ponggawa mangpabengan sanag madoangngi di pille, susi toda una to tau pira, yapi na madoang mapille ke denni doi'na. yake susii pale jio, imbomira nanai to penawa. dangngi'mo mabela gaja kitai ke pemilihan, yamo to silaturrahim jio masyaraka', budami to tau kandoppi to ponggawa tapi yanna yato tau te'da apanna, na pelle-pellei.

danggi lalo dikka'na ku termasuk tau tak sukkuru'. 

pekassingngii to penawa
malampu
sabbara'
sukkuru'
mangngingaran PongAllah Taala
maballo lako tau